A alcaldesa clausurou esta mañá en Afundación o acto de homenaxe ás e aos profesionais das ondas con motivo do Día Mundial da Radio avogando pola súa pluralidade e a súa forza para unir a xente
A alcaldesa, Inés Rey, clausurou esta mañá en Afundación a homenaxe que A Coruña lles rendeu ás persoas profesionais que cada día informan a través das ondas. Con motivo do Día Mundial da Radio que se celebra mañá, a sede da Afundación acolleu unha mesa redonda, que co título “Os códigos deontolóxicos e as fake news nas ondas”, contou con representantes das emisoras da cidade.
A alcaldesa felicitou e eloxiou o labor das voces da radio “que é a mellor compañeira de viaxe, non se ve, pero está aí, estívoo sempre”. A radio, dixo, é crítica e reflexión e axuda a formar un pensamento plural e diverso. ”A radio enriquece e achéganos ás demais persoas, a unha realidade distinta que quen locuta transforma en próxima”, sinalou.
A alcaldesa lembrou como “a súa radio analóxica” a acompañara en distintas etapas da súa vida e agora en María Pita “porque non se apaga nunca, está nas noites de insomnio e de camiño ao despacho, e ningún avance tecnolóxico será capaz de suplir a súa maxia, unha antena disposta a escoitarte, a emocionarte e a contarche”.
O debate, precedido por un orixinal monólogo a cargo do actor e humorista Oswaldo Digón, estivo moderado por Fernando Ramos, un dos redactores do Código Deontolóxico da FAPE e contou coa presenza de Rafael Cid (RNE), Alejandro López (Radio Galega), Nacho Capeáns (Onda Cero), Marcos Sanluis (Radio Coruña-Cadena Ser), Eva Iglesias (Cadena Cope) e persoas representantes da directiva da Asociación Periodistas de Galicia.
A Asemblea Xeral de Nacións Unidas fixo súa a resolución aprobada pola UNESCO e proclamou o día 13 de febreiro, día que se creou Radio Nacións Unidas en 1946, Día Mundial da Radio, unha data que serve para facer un chamamento a todas as emisoras
Nota de Prensa
“para que defendan a diversidade” e lembrarlle á sociedade a importancia da radio para construír un mundo máis inclusivo.
